मौवाखोलामा बसको ठक्करबाट सहचालकको मृत्यु
भण्डाफोर अभियान संवाददाता
चितवन/चितवनको इच्छाकामना गाउँपालिकाको मौवाखोला नजिकै बसले ठक्कर दिंदा सोहि बसका सहचालकको मृत्यु भएको छ ।
आज बिहान काठमाण्डौबाट भारतको सिलगढीतर्फ जाँदै गरेको बा ५ ख ७८४३ नम्बरको (नेपाल-भारत मैत्री) बसको ठक्करबाट सोही बसका सहचालक सुनसरी झुम्का बस्ने २३ वर्षका जनक दाहालको घटनास्थलमै मृत्यु भएको प्रहरीले जनाएको छ ।
उनको शव पोष्टमार्टमको लागि भरतपुरस्थित सरकारी अस्पताल ल्याइएको छ । बस र चालक इलाका प्रहरी कार्यालय मुग्लिनको नियन्त्रणमा रहेको प्रहरीको भनाइ छ ।
