ट्रकसँग ठोक्किएर चितवनको गाईघाटवाट दुधको ट्यांकर त्रिशुलीमा खस्यो
दुर्घटनामा दुई जनाको मृत्यु
भण्डाफोर अभियान संवाददाता
चितवन,माघ २५(
नारायणगढ–मुग्लिन सडकखण्ड अन्तरगत भरतपुर महानगरपालिका २९ गाईघाटमा कन्टेनर(ट्रक)सँग ठोक्किएर दुध बोक्ने ट्यांकर त्रिशुली नदीमा खसेको छ । आज (विहिवार) विहान साढे पाँच बजे भएको सो दुर्घटनामा परि दुई जनाको मृत्यु भएको छ । मृत्यु हुनेको सनाखत हुन सकेको छैन् । उनिहरु ट्याँकरको चालक र सहचालक भएको बताइएको छ ।
नारायणगढबाट पोखरा तर्फ जाँदै गरेको बा ४ ख ६९५३ नम्बर दुधको ट्यांकर विपरित दिशाबाट आउँदै गरेको ना ७ ख ४३१४ नम्बरको ट्रकसँग ठक्कर खाएको थियो । ट्यांकर सडकवाट करिव १ सय मिटर तल खसेको र पानिमा थोरै भाग देखिएको जिल्ला प्रहरी कार्यालय चितवनले जानकारी दिएको छ । ट्रक भने सडकको कुनातर्फको नालिमा खसेको छ ।
शसस्त्र प्रहरी,जनपथ प्रहरी र स्थानियको सहयोगमा शव निकालिएको प्रहरीले जानकारी दिएको छ ।
