नाम र राजधानी तोक्न सफल भएको खुसीयालीमा मधेश प्रदेशमा आज सार्वजनिक बिदा

भण्डाफोर अभियान संवाददाता

 |  प्रकासित मिति : ४ माघ २०७८, मंगलवार ०१:३९

बारा/नाम र राजधानी तोक्न सफल भएको खुसीयालीमा मधेश प्रदेशमा आज सार्वजनिक बिदादिइएको छ ।

हिजो मतदान प्रक्रियाबाट प्रदेशको नाम ‘मधेश’ र राजधानी ‘जनकपुरधाम’ तय भएको खुसीयालीमा सार्वजनिक बिदा दिने घोषणा गरिएको प्रदेश सरकारका प्रवक्ता तथा अर्थमन्त्री शैलेन्द्रप्रसाद साहले जानकारी दिनुभयो । नाम र राजधानी निश्चित गर्ने मधेश छैटौँ प्रदेश हो ।

प्रदेश(१ ले अझै नाम टुङ्गो लगाउन सकेको छैन । यसअघि वाग्मती, गण्डकी, लुम्बिनी, कर्णाली र सुदूरपश्चिम प्रदेशको नाम टुङ्गो लागिसकेको छ । यी प्रदेशको नाम पुरानै दोहोरिएको र मधेश प्रदेशले मात्रै मौलिक नाम राखेको भन्दै चर्चा भइरहेको छ ।