आईसोलेसनका विरामीलाई राष्ट्रिय युवा संघ द्धारा फलफुल तथा पानी हस्तान्तरण

वि वि श्रेष्ठ

 |  प्रकासित मिति : २४ भाद्र २०७७, बुधबार ०२:५८

नेपाल कम्युनिष्ट पार्टी (नेकपा) सम्वद्ध राष्ट्रिय युवा संघ तनहुँद्धारा कोभिड–१९ का कारण उपचारका लागी आईसोलेशनमा रहनुभएको व्यक्तिहरुलाई फलफुल तथा पानी हस्तान्तरण गरेका छन् । राष्ट्रिय युवा संघ तनहुँको अध्यक्ष ईश्वर वस्यालको नेतृत्वले कोभिड १९ का कारण दुर्गा मन्दिर परिशरमा भएको आईशोलेन कक्षमा रहेका विरामीहरुलाई फलफुल, पानी र केरा सहयोग गरेको हो ।
जनयुद्धका महान शहीदहरु क. सुरेश वाग्ले(वासु) र क भीमसेन पोख्रेल (वैरागी)को २२ औ स्मृति दिवसका अवसर पारेर फलफुल तथा खानेपानी सहयोग गरिएको अध्यक्ष ईश्वर वस्यालले जानकारी दिनुभयो । शहीदहरुको सम्मान मा कोभिडका कारण आईसोलेशनमा वसेका संक्रमितहरुको मनोवल उच्च वनाउनका लागी समाजिक उत्तरदायित्व कार्यक्रम अन्र्तगत सहयोग गरिएको राष्ट्रिय युवा संघ का केन्द्रिय सदस्य कमल ग्रैहे र सरन सापकोटाले जानकारी दिनुभयो । राष्ट्रिय युवा संघ आम जनताका हरेक समस्यामा साथ र सहयोग गर्न तत्पर रहेको छ, केन्द्रिय सदस्य कमल ग्रैहेले भने ।
सो अवसरमा २० कार्टुन पानी, १० दर्जन, केरा, १२ केजी स्याउ अध्यक्ष ईश्वर वस्यालले स्वास्थ्यकर्मीहरु शुनिता दरै र शुशिला खनाललाई हस्तान्तरण गर्नुभयो । कोभिड १९ का संक्रमितलाई युवा संघद्धारा गरिएको सहयोगले स्वास्थ्यमा सहयोग पुग्ने स्वास्थ्यकर्मी शुशिला खनालले जानकारी दिनुभयो । सो कार्यक्रममा नेकपा तनहुँका कार्यलय सदस्य श्रीप्रसाद श्रेष्ठ, अतिन्द्रकेशरी न्यौपाने लगायत नेताहरुको उपस्थिती रहेको थियो ।