गृहमन्त्री थापाद्वारा उदयपुर पार्क तथा बाल उद्यानको उद्घाटन
भण्डाफोर अभियान संवाददाता
चितवन । गृहमन्त्री राम बहादुर थापा ‘बादल’ ले आज उदयपुर पार्क तथा बाल
उद्यानको एक कार्यक्रमका बिच उद्घाटन गरेका छन् । पूर्वी चितवनको कालिका
नगरपालिका वडा नं. ७ सगुनटोलमा रहेको उदयपुर सामुदायिक वन उपभोक्ता
समूहले सो पार्क तथा बाल उद्यान निर्माण गरेको हो ।
सामुदायिक वनको लगानी तथा प्रदेश सरकारको आर्थिक सहयोगमा निर्माण भएको सो
पार्कको उद्घाटन गर्दै गृहमन्त्री थापाले पर्यटनको माध्यमबाट देशलाई
आर्थिक समृद्धि तर्फ लानुपर्ने बताए । विभिन्न पार्क तथा उद्यानहरुले आन्तरीक तथा
वाह्य पर्यटकहरुलाई आकर्षित गर्दै आर्थिक उपार्जन गर्नुपर्ने भन्दै मन्त्री
थापाले पर्यापर्यटनको क्षेत्रमा सामुदायिक वनहरुको महत्वपूर्ण भूमिका रहेको समेत
बताए ।
कार्यक्रममा बाग्मती प्रदेशका सांसद घनश्याम दाहाल लगायतले मन्तव्य व्यक्त
गरेको कार्यक्रममा सामुदायिक वनका उपाध्यक्ष सुदर्शन अधिकारीले स्वागत मन्तव्य
व्यक्त गरेका थिए । सो कार्यक्रम सामुदायिक वनका अध्यक्ष केशव लामाको
अध्यक्षतामा सम्पन्न भएको थियो ।
