राज्यले निश्चित खेललाई विशेष प्राथमिकता दिनुपर्ने : मन्त्री दुलाल
भण्डाफोर अभियान संवाददाता
युनिक भुजेल/हेटौंडा/माघ २१/ वाग्मती प्रदेशका १३ जिल्लाका खेलकूद विकास समितिका पदाधिकारीको शपथ ग्रहण लिन काम हेटौँडामा समपनन भएको छ। । प्रदेशको सामाजिक विकास मन्त्रालयमा आयोजित कार्यक्रममा प्रदेश खेलकूद विकास परिषद्का सदस्य सचिव सूर्यलाल भण्डारीले सबै जिल्लाका खेलकूद विकास समितिका नवनियुक्त अध्यक्ष तथा सदस्यलाई शपथ गराएका हुन् ।
सामाजिक विकासमन्त्री युवराज दुलालले खेल क्षेत्रका चुनौतीलाई अवसरमा परिणत गरेर काम गर्नुपर्ने बताउँदै प्रतिभाशाली खेलाडीलाई क्षेत्रमा आकर्षित गर्नुपर्नेमा जोड दिनुपने बताउनुभयो । मन्त्री दुलालले राज्यले निश्चित खेललाई विशेष प्राथमिकता दिनुपर्ने भनदै दुई महिनाभित्र प्रथम प्रदेश खेलकूद प्रतियोगिता आयोजना गरिने भएकाले त्यसको तयारीमा लाग्न निर्देशन दिनुभयो।
प्रदेश खेलकूद विकास परिषद्ले गत माघ ७ गते १३ जिल्ला खेलकूद विकास समितिको अध्यक्ष र सदस्य चयन गरेको हो। खेलकूद समितिमा एक अध्यक्ष र चार सदस्य रहने व्यवस्था छ । उनीहरुको पदावधि पाँच वर्षको रहनेछ।
१३ जिल्लाका खेलकूद विकास समितिका पदाधिकारीहरुले आज हेटौडामा शपथ ग्रहण लिनुभएको हो ।
