चितवन मेडिकल कलेजको कथन : विद्यार्थीको असहयोगले शुल्क समायोजन हुन सकेन
भण्डाफोर अभियान संवाददाता
चितवन/मंसिर २८/चितवन मेडिकल कलेजले चिकित्सा शिक्षाको शुल्क समायोजन विवादलाई टुंग्याउन कलेजले प्रयास गरे पनि विद्यार्थीको असहयोगको कारणले समस्या बढेको र शुल्क समायोजन गर्न नसकेको कथन छ ।
कलेजले आज शनिबार प्रकाशित गरेको विज्ञप्तिमा जनाईए अनुसार शिक्षा मन्त्रालयसँग भएको दुई बुँदे सहमति कार्यान्वयन गर्न कलेज प्रतिबद्ध रहे पनि विद्यार्थीको असहयोगका कारणले शुल्क समायोजनको मुद्दालाई विश्वासको वातावरणमा टुुंग्याउन समस्या भएको भन्दै शुल्क समायोजनको बाधक बिधार्थीहरु रहेको आरोप लगाएको छ । कलेजमा तालाबन्दी गर्ने, परीक्षा बहिष्कार गर्ने, धम्काउने जस्ता क्रियाकलाप विद्यार्थीबाट हुँदा शुल्क समायोजनको प्रक्रिया अघि बढ्न सक्ने अवस्था नरहेको विज्ञप्तिमा जनाइएको छ ।
विज्ञप्तिमा विद्यार्थीलाई आन्दोलनमा नरमाउन, समयको ख्याल गरि परीक्षामा सहभागी भई नियमित पठनपाठनमा पmर्किन पनि कलेजले अनुरोध गरेको छ ।
कलेजले विद्यार्थीबाट लिइएको अतिरिक्त शुल्क पहिलो किस्ताको शुल्कमा, त्रिवि।रजिष्ट्रेसन शुल्क, काउन्सिल रजिष्ट्रेसन शुल्क, सम्बन्धित निकायले तोके बमोजिमको रकमसमेत जोडेर अन्य बाँकी हुन आउने रकम आगामी किस्तामा समायोजन गरिने प्रतिबद्धता जनाएको छ ।
कलेजले आन्दोलनका सम्पूर्ण कार्यक्रमहरु फिर्ता गरेर शैक्षिक, प्रशासनिक एवम् प्राज्ञिक क्रियाकलापहरु सुचारु गराउन सहयोग गर्न, विश्वविद्यालयका नियमित परीक्षाहरुमा सहभागी हुन र विश्वासको वातावरण तयार गरी शुल्क समायोजनको प्रक्रियालाई सहयोग गर्न सबैसँग अनुरोध पनि गरेको छ ।
