देशभर बाढीपहिरो : ज्यान गुमाउनेको संख्या ६५ पुग्यो, ३० बेपत्ता

भण्डाफोर अभियान संवाददाता

 |  प्रकासित मिति : ३० असार २०७६, सोमबार ०२:४८

चितवन । बिगत पाँच दिनदेखिको अबिरल वर्षा र त्यसपछि आएको बाढीपहिरो र डुबानका कारण अहिलेसम्म देशभर ६५ जनाले ज्यान गुमाएका छन् । प्रहरी प्रधान कार्यालयले दिएको तथ्यांक अनुसार सोमबार बिहान ७ बजेसम्म बाढी र पहिरोमा परेर २४ महिला र ४१ पुरूषको मृत्यु भएको हो ।
यस्तै बाढीपहिरोमा परी १७ महिला र २१ पुरुष गरी ३८ जना घाइते छन् । १८ पुरुष र १२ महिला गरी ३० जना हालसम्म बेपत्ता रहेको प्रहरीले जनाएको छ ।

बाढी र पहिरोबाट एक हजार ४ सय ४६ जनाको सकुशल उद्धार गरिएको प्रहरीले जनाएको छ।