लिभइनमा बसेका प्रेमीले धोका दिँदा भारतीय नायिकाद्वारा आत्महत्या

सुसाइड नोटमा आमालाई लेखिन् : ‘जसरी पनि सजाय दिलाउनुस्’

तमिल अभिनेत्री मैरी शीला जेबरानी ९याशिका० ले चेन्नईको पेरावल्लुरस्थित आफ्नो घरमा झुण्डिएर आत्महत्या गरेकी छिन् । अभिनेत्रीले एक सुसाइड नोट लेखेर आफ्ना प्रेमी मोहन बाबुलाई सबै स्थितीका लागि दोषी बताएकी छिन् । यो सुसाइड नोट उनले ह्वाट्सएप मेसेजमार्फत आफ्नी आमालाई पठाइन् । सुसाइड नोटमा उनले मोहन बाबुमाथि आफूलाई प्रताडित गरेको र खराब व्यवहार गरेको आरोपसमेत लगाइन् ।

लिभइनमा बस्ने याशिका–महेशः

एक भारतीय संचारमाध्यमका अनुसार याशिका तिरुप्पूरकी थिइन् र वाडापजानाको एक होस्टेलमा बस्थिन् । त्यति नै बेला उनको मोबाइल फोन सर्भिस सेन्टरमा काम गर्ने मोहन बाबूसँग उनको चिनजान भयो । साथीको सम्बन्ध प्रेममा परिणत भयो र उनीहरुले पेरावल्लुरस्थित जिकेएम कोलोनीमा भाडामा कोठा लिए । त्यसपछि उनीहरु लिभइनमा बस्न थाले ।

आमालाई भनिन्, ‘पक्कै सजाय दिलाउनु’

मिडिया रिपोर्टका अनुसार याशिकासँग झगडापछि मोहन आफ्नो घर फिर्ता भए । एक्लो हुँदा याशिका तनावमा परिन् र आत्महत्या गरिन् । आत्महत्या गर्नुअघि उनले आमालाई पठाएको ह्वाट्सएप सन्देशमा उनले लेखिन्, ‘मसँग विवाह नगरेको र मलाई प्रताडित गरेका कारण मेरो मृत्युपछि तपाईं त्यसलाई कडा सजाय दिलाउनुहोस् ।’

घटनाको सूचना पाएपछि पुलिसले मुद्दा दर्ता गरेको छ र मोहनको खोजीमा जुटेको छ ।

मन्नार वागयाराबाट परिचितः

याशिकाले थुप्रै तमिल फिल्ममा काम गरिन् । तर उनले सन् २०१८ मा रिलिज भएको फिल्म मन्नायर वागयारमा एउटा सानो भूमिकाका कारण चर्चा पाइन् ।