चलचित्र ‘रणवीर’को रोमान्टिक गीत मायामा सार्वजनिक

भण्डाफोर अभियान संवाददाता

 |  प्रकासित मिति : १३ माघ २०७५, आईतवार १३:२४

यस वर्षको प्रतिक्षित फिल्म मध्यको एक माघ १८ गतेबाट देशभरका सिनेमा हलहरुमा एकैसाथ प्रदर्शनमा आउन लागेको चलचित्र ‘रणवीर’को तेस्रो गीत ूमायामाू सार्वजनिक भएको छ । यस अघि सार्वजनिक गरिएको लोक फ्लेवरको गीत ‘तिरिमिरी तिरिमिरी र मान्न चाहन्नँले राम्रो चर्चा पाएपछि तेस्रो रोमान्टिक गीत मायामा सार्वजनिक गरिएको हो । गीतमा फिल्मका दुई कलाकार सुशील सिटौला र सुवेक्षा खड्का फिचर्ड छन् । पोखरा तथा आसपासका मनोरम दृश्यमा छायाँकन गरिएको गीतमा हर्कुलस बस्नेतको शब्द तथा संगीत रहेको छ । गीतमा हर्कुलस र प्रविशा अधिकारीले स्वर दिएका छन् । गीतलाई गम्भीर विष्टले कोरियोग्राफ गरेका हुन् । प्राची फिल्मस् र डिआर फिल्मस्को ब्यानरमा गोमा बिष्ट थापा र दिपेन्द्र रेग्मी निर्मित लभ तथा एक्सन ड्रामा फिल्ममा सुशील सिटौला, शुभेच्छा खड्का, प्रशान्त ताम्राकार, सुपुष्पा भट्ट,रवि गिरी, नरेश पौडेल लगायतका कलाकारको अभिनय रहेको छ । चलचित्र ‘रणवीर’ मा महेश पौडेलको छायाङ्कन, कृष्ण भण्डारीको सम्पादन, गम्भिर बिष्ट र सुरेन्द्र बसेलको कोरियोग्राफी छ । हर्कुलस बस्नेत, सुशान्त गौतम र अमित श्रेष्ठको सङ्गीत रहेको चलचित्रलाई साउथ इण्डियन चलचित्र टिममा समेत काम गरिसकेका गोविन्द सिंह भण्डारीले निर्देशन गरेका हुन् ।