चितवनको भरतपुरमा सवारी दुर्घटना , दुइ जनाको मृत्यु ।

Surya Baral

 |  प्रकासित मिति : २४ पुस २०७५, मंगलवार ०४:१४

प्रनिश थापा , चितवन , २४ पौष । चितवनको भरतपुरमा गएराती भएको सवारी दुर्घटनामा परी दुई जनाको मृत्यु भएको छ । भरतपुर महानगरपालिका–१०, गौतम चोकमा बेलुकी ८ः२० बजेको समयमा मोटरसाईकलले पैदलयात्रीलाई ठक्कर दिँदा मोटरसाइकल चालक र पैदलयात्री दुवैको मृत्यु भएको हो । ना। ४८। प। ३७५७ नम्बरको मोटरसाईकलले पैदलयात्रीलाई ठक्कर दिएपछि गम्भिर घाईते भएका चालक भरतपुर महानगरपालिका ७ का २७ वर्षीय युवराज थापा र पैदलयात्री भरतपुर महानगरपालिका १० का ४२ वर्षीय रमेश विक्रम थापाको उपचारको क्रममा राती ९ः२५ बजे चितवन मेडिकल कलेजमा मृत्यु भएको चितवन प्रहरीले जनाएको छ । उनीहरुको शव भरतपुर अस्पतालको शव गृहमा राखिएको छ ।