डेनमार्कको एक सपिङ मलमा गोलाबारी

भण्डाफोर अभियान संवाददाता

 |  प्रकासित मिति : २० असार २०७९, सोमबार ०३:०२

एजेन्सी/डेनमार्कको एक सपिङ मलमा गोलाबारी हुँदा बन्दुकधारीले चलाएको गोली लागेर तीन जनाको मृत्यु भएको छ । केही व्यक्ति घाइते भएका छन् ।

स्थानीय प्रहरीका अनुसार घाइतेमध्ये तीन जनाको अवस्था गम्भीर रहेको छ । दक्षिण कोपनहेगनमा रहेको फिल्ड्स मलमा गोलाबारी भएको हो ।

घटनामा संलग्न रहेको आशङ्कामा प्रहरीले २२ वर्षीय एक व्यक्तिलाई पक्राउ गरेको छ । घटना पछि प्रधानमन्त्री मेट फ्रेड्रिकसेनले डेनमार्कले क्रुर आक्रमण भोगेको बताएका बीबीसीले जनाएको छ ।

फिल्ड्स मलमा १ सय ४० भन्दा धेरै पसल र रेस्टुरेन्ट छन् । यो मल कोपनहेगनको बाहिरी भागमा छ र यो सहरको केन्द्रसँग जोडिने सबवे लाइन नजिकै रहेको खबरमा उल्लेख छ । डेनमार्कमा पछिल्लो पटक सन् २०१५ मा आक्रमण भएको थियो ।