एभरेष्ट प्रिमियर लिग अन्तर्गत भैरहवा र चितवन बीचको खेल पनि स्थगित

भण्डाफोर अभियान संवाददाता

 |  प्रकासित मिति : ११ आश्विन २०७८, सोमबार १०:४५

चितवन/एभरेष्ट प्रिमियर लिग (इपिएल) अन्तर्गत सोमबारको दोस्रो खेलमा भैरहवा ग्लाडियटर्स र चितवन टाइगर्सबीचको खेल पनि स्थगित भएको छ ।
कीर्तिपुरस्थित त्रिभुवन विश्वविद्यालयको क्रिकेट मैदान चिसो आउटफिल्ड र वर्षाका कारण सोमबारको दुवै खेल स्थगित भएको हो ।
अघिल्लो दिनको वर्षाले मैदान भिजाएका कारण आजको पहिलो खेल अवरुद्ध भएको थियो । त्यसमा दिउँसो २ बजेपछि पुनः वर्ष भएपछि मैदान खेल्नका लागि असम्भव भएको हो ।

आयोजकले सोमबार बिहान र दिउँसोको दुवै खलको तालिकालाई पुनःतालिकीकरण गर्ने बताएको छ ।
यसअघि भएको खेलमा चितवने विराटनगर वारियर्सलाई २ विकेटले पराजित गरेको थियो । भैरहवा र पोखरा राइजोजले वर्षाका कारण अंका बाँडेको थियो ।