चितवनमा ६० मिलिमिटर भन्दा बढी वर्षा

Surya Baral

 |  प्रकासित मिति : २८ फाल्गुन २०८२, बिहीबार २०:४६

चितवन/चितवनमा आज दिउँसोदेखि भारी वर्षा भइरहेको छ । जल तथा मौसम विज्ञान विभागको पछिल्लो तीन घण्टाको विवरण अनुसार चितवनमा ६० मिलिमिटर भन्दा बढी वर्षा भएको छ । विभागका अनुसार दिउँसोदेखि चितवन, गोरखा र उदयपुरमा भारी वर्षा भएको छ। सबैभन्दा धेरै पछिल्लो ३ घण्टामा उदयपुरमा ८२.२ मिलिमिटर वर्षा भएको छ ।

यस्तै गोरखामा ८० मिलिमिटर वर्षा भएको छ । मापनका हिसाबले तीनवटै ठाउँमा भारी वर्षा हो । उदयपुरको कटारी र गोरखाको बारपाकमा बढी वर्षा भएको छ । चौबीस घण्टामा ५० मिलिमिटर माथिको वर्षालाई भारी वर्षामा गणना गरिन्छ । अन्य क्षेत्रमा पनि पानी परिरहेको विभागले जनाएको छ । विभागका अनुसार लमजुङ, मकवानपुर, सिन्धुपाल्चोक, संखुवासभा, इलाम, सोलुखुम्बु, मुस्ताङ, बर्दिया, कास्कीलगायत जिल्लामा पनि वर्षा भएको छ ।

यो वर्षापछि प्रदूषण केही कम हुने अनुमान गरिएको विभागका सूचना अधिकारी दिनकर कायस्थले जानकारी दिए ।