भारतीय प्रधानमन्त्री मोदीद्वारा नेपालको हिंसात्मक घटनाप्रति दुःख प्रकट, शान्तिका लागि अपिल

Surya Baral

 |  प्रकासित मिति : २५ भाद्र २०८२, बुधबार ११:२६

काठमाडौं/नेपालमा जारी हिंसात्मक घटनाप्रति भारतीय प्रधानमन्त्री नरेन्द्र मोदीले गहिरो दुःख प्रकट गरेका छन् । मंगलबार दिनभरको भ्रमणबाट फर्किएपछि सुरक्षा सम्बन्धी मन्त्रिपरिषद् समितिको बैठकमा नेपालको ताजा घटनाक्रमबारे छलफल भएको जानकारी दिँदै उनले एक्समार्फत प्रतिक्रिया दिएका हुन् ।

प्रधानमन्त्री मोदीले जेनजीको आन्दोलनमा परेर ज्यान गुमाएका युवाप्रति श्रद्धाञ्जली व्यक्त गर्दै आफू अत्यन्तै विचलित भएको उल्लेख गरेका छन् । उनले लेखेका छन्, नेपालमा भएको हिंसा हृदयविदारक छ । धेरै युवाले आफ्नो ज्यान गुमाउनु परेकोमा मेरो मन दुःखी छ । नेपालको स्थिरता, शान्ति र समृद्धि अत्यन्तै महत्वपूर्ण छ । मोदीले सबै नेपाली दाजुभाइ दिदीबहिनीहरुलाई संयमता अपनाउन र शान्ति–व्यवस्था कायम राख्न अपिल गरेका छन् ।