आँबुखैरेनीको साँखरस्थित ड्याम नजिक सडक भासिँदा दुईतर्फी सवारी आवागमन अवरुद्ध
भण्डाफोर अभियान संवाददाता
तनहुँ/पृथ्वी राजमार्गमा सडक भासिँदा दुईतर्फी सवारी आवागमन अवरुद्ध भएको छ ।
गए रातिदेखि परेको अविरल वर्षाका कारण तनहुँको आँबुखैरेनी गाउँपालिका–४ साँखरस्थित ड्याम नजिकको सडक करिब २० मिटर भाग भासिएको हो । सडकको भाग तलबाट भासिएकाले बेलिब्रिज नराखेसम्म सवारी आवतजावतमा सम्भव नदेखिएको तनहुँका प्रहरी नायब उपरीक्षक युवराज खड्काले जानकारी दिए ।
तत्काल मर्मतसम्भार पनि गर्न नसक्ने भएपछि जताबाट आएको त्यतैतर्फ सवारीसाधन फर्काइएको उनले बताए । सडक भासिएको प्रहरीले जनाएको छ ।
