पोखरामा एकीकृत समाजवादीका धनराज आचार्यको जित सुनिश्चित

भण्डाफोर अभियान संवाददाता

 |  प्रकासित मिति : १० जेष्ठ २०७९, मंगलवार ०१:४१

पोखरा/कास्कीको पोखरा महानगरपालिकाको मेयर पदमा नेकपा एकीकृत समाजवादीबाट धनराज आचार्यको जित सुनिश्चित भएको छ। करिब ५ हजार मत गन्न बाँकी हुँदा आचार्यले निकटतम प्रतिद्वन्द्वी नेकपा एमालेका कृष्ण थापाभन्दा ५ हजार २८६ मतको फराकिलो अग्रता बनाएसँगै मत गणना सकिन अघि नै आचार्यको जीत सुनिश्चित भएको हो ।

१ लाख ३८ हजार २११ मत गनिसक्दा मेयर आचार्यले ५६ हजार ४७१ मत ल्याएका छन् भने थापाले ५१ हजार १८५ मत ल्याएका छन् । पोखरामा कूल १ लाख ४३ हजार २२६ मत खसेको थियो । उपमेयरमा एमालेकी मञ्जुदेवी गुरुङले अग्रता कायम राखेकी छन् ।