देशभर थप २ हजार ४ जनामा कोरोना पुष्टि

भण्डाफोर अभियान संवाददाता

 |  प्रकासित मिति : १७ भाद्र २०७८, बिहीबार ११:२८

काठमाण्डौं/ देशभर पछिल्लो २४ घण्टामा दुई हजार चार जनामा कोरोना सङ्क्रमण पुष्टि भएको छ ।

१४ हजार ६ सय ५० जनाको पीसीआर र एन्टिजेन परीक्षण गर्दा दुई हजार चार जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना भाइरसको सङ्क्रमण हुनेको सङ्ख्या आठ लाख ५० हजार दुई सय आठ पुगेको छ ।

पछिल्लो २४ घण्टामा एक हजार आठ सय ४६ जना निको भएसँगै कोरोना सङ्क्रमणमुक्त हुनेको सङ्ख्या सात लाख २१ हजार एक सय ८२ पुगेको छ ।

यही अवधिमा थप १६ जनाले कोरोना सङ्क्रमणका कारण ज्यान गुमाएका छन् । योसहित कोरोना सङ्क्रमणबाट ज्यान गुमाउनेको सङ्ख्या १० हजार सात सय ८६ पुगेको छ । अहिले नेपालमा ३३ हजार नौ सय ४६ जना कोरोना भाइरसका सक्रिय सङ्क्रमित छन् ।