होटलमा जुवा खेल्ने काठमाण्डौका उच्च व्यापारिक घरानाका व्यक्तिहरु पक्राउ ।
भण्डाफोर अभियान संवाददाता
२० जेठ, काठमाडौं /लकडाउनको मौका छोपी जुवा खाल सञ्चालन गर्ने सञ्चालक र जुवाडेहरुलाई प्रहरीले पक्राउ गरेको छ । काठमाण्डौंका उच्च ब्यापारिक घरनाका ब्यक्तिहरु होटलमा बसी जुवा खेलिरहेको अवस्थामा पक्राउ परेका हुन्।
काठमाण्डौं कमलादीस्थित गगौंर बुटिक होटलमा जुवा खेलिरहेका रामचन्द्र सांघाइ, पुरुषोत्तम अग्रवाल, सुरेश अग्रवाल, अशोक अग्रवाल, गोविन्द अग्रवाल, विमल अबुजा, नन्द शर्मा, विमल खेतान र निक्की जोगाईलाई गएराति प्रहरीले पक्राउ गरेको हो ।
निक्की होटल सन्चालक हुन् । रामचन्द्र सांघाइ ग्रुपका एमडी र अशोक विशाल ग्रुपका एमडी हुन् । उनीहरुको साथबाट २ लाख ७७ हजार नगद र केही क्वाइनहरु बरामद भएको छ । क्वाइन र चिप्सहरु प्रयोग गरेर उनीहरु क्यासिनो शैलीमा जुवा खेलेको पाइएको प्रहरीले जनाएको छ ।
