घुस खाएर भाग्दै गरेका वन प्रमुख घुस रकमसहित पक्राउ

भण्डाफोर अभियान संवाददाता

 |  प्रकासित मिति : ३० फाल्गुन २०७६, शुक्रबार ०४:५९

काठमाडौं, ३०, फागुण। डिभिजन वन कार्यालय दोलखाकी प्रमुख सन्तमाया श्रेष्ठलाई सेवाग्राहीसँग लिएको घुस रकम सहित अख्तियार दुरुपयोग अनुसन्धान आयोगको टोलीले पक्राउ गरेको छ । घुस रकम लिएर भाग्दै गरेको अवस्थामा भक्तपुरको गठ्ठाघरबाट उनलाई गत बिहीबार पक्राउ गरिएको हो ।
एक सेवाग्राहीसँग घुस लिएर दोलखाबाट फरार भएको खबर आएपछि उनलाई निगरानीमा राखेको अख्तियारको टोलीले भक्तपुरको गठ्ठाघरमा गाडी र घुस रकमसहित पक्राउ गरेको हो । उनको साथबाट २ लाख ४ हजार नगद समेत बरामद गरेको अख्तियारका एक अनुसन्धान अधिकृतले जानकारी दिए । आज बिहीबार साँझ ६ बजेतिर श्रेष्ठलाई गठ्ठाघरमा उनी चढेको गाडी नियन्त्रणमा लिएर उनको साथमा रहेको रकम बरामद गरेको उनले जानकारी दिए ।
अख्तियारको टोलीले ६ बजे उनलाई नियन्त्रणमा लिएर उनको साथमा रहेको सबै सामानको मुचुल्का समेत उठाएको थियो । उनलाई नियन्त्रणमा लिएर आवश्यक अनुसन्धान गर्ने अखित्यारले जनाएको छ ।