गृहमन्त्री बादलले लगाइदिए चीनका गृहमन्त्रीको शिरमा नेपाली भादगाउँले टोपी

भण्डाफोर अभियान संवाददाता

 |  प्रकासित मिति : २२ पुस २०७६, मंगलवार ०३:५३

चीन भ्रमणमा रहेका गृहमन्त्री रामबहादुर थापा बादलले आफ्ना चिनियाँ समकक्षी झाओ केझीलाई भादगाउँले टोपी लगाईदिएका छन्। चीनको गृहमन्त्रालयमा सोमबार भएको भेटमा बादलले उपहारमा झाओलाई टोपी पहिराईदिएका हुन्।
चिनियाँ जनसुरक्षा मन्त्रालयको निमन्त्रणमा गृहमन्त्री थापा ६ दिने भ्रमणका लागि आइतबार बिहान बेइजिङतर्फ प्रस्थान गरेका हुन् ।
भ्रमण क्रममा उनले चिनियाँ कम्युनिस्ट पार्टीका नेताहरूसँग भेटघाट गर्ने कार्यक्रम छ।
भ्रमण टोलीमा गृहमन्त्रीका सुरक्षा सल्लाहकार डा इन्द्रजित राई, गृहमन्त्रालयका प्रवक्ता केदारनाथ शर्मा र नेपाल प्रहरीका डीआईजी सूर्यप्रसाद उपाध्यायलगायत छन्।