इरानी जनरललाई मारेपछि पनि एयरस्ट्राइक जारी, ६ को मृत्यु

एजेन्सी

 |  प्रकासित मिति : १९ पुस २०७६, शनिबार ०४:०८

अमेरिकाले इराकमा दोस्रो दिन पनि हवाई आक्रमण गरेको छ । पछिल्लो आक्रमणमा ६को मृत्यु भएको रिपोर्ट आएको छ ।
शुक्रबार भएको आक्रमणमा अमेरिकाले इरानका सबैभन्दा शक्तिशाली कमाण्डर जनरल कासिम सुलेमानीलाई बग्दादमा मारेको थियो ।
सुत्रका अनुसार अमेरिकी ड्रोन्सले शुक्रबार राती बग्दादको शिया विद्रोही संगठन पपुलर मोबाइलाजेशन फोर्स९पीएमएफ०का समूहमाथि आक्रमण गरेको थियो ।
यसमा कम्तिमा ६ को मृत्यु भयो । समाचार संस्था अल जजिराका अनुसार आक्रमणमा मारिएकामध्ये केही चिकित्सक पनि छन् ।
रिपोर्टसका अनुसार बग्दादको पूर्वी क्षेत्रमा रहेको ताजी शहरमा मानिसले बम विस्फोटको आवाज सुनेका थिए ।
अमेरिकी राष्ट्रपति डोनाल्ड ट्रम्पले शुक्रबार राती इरानी जनरलविरुद्ध कारबाही गरेर पत्रकार सम्मेलन गरेका थिए । ट्रम्पले दुई देशबीच सम्भावित युद्ध रोक्नका लागि जनरल कासिमलाई मार्ने निर्णय लिएको बताए ।
एजेन्सी