पुनः विवाहको प्रलोभन देखाएर २५ एकल महिलाबाट लाखौंको ठगी गर्ने पक्राउ
भार्गव पारेख /बीबीसी
एकल महिलालाई विवाहको प्रलोभन देखाएर उनीहरुबाट लाखौंको ठगी गर्ने व्यक्तिलाई भारतको अहमदाबाद पुलिसले पक्राउ गरेको छ ।
पुलिसका अनुसार यी ठगले सम्बन्धविच्छेद भएका र विधवा महिलालाई पुनः विवाह गर्ने भन्दै पैसा लिएका थिए ।
पैसा ठग्ने आरोपी ४२ वर्षे जुलियन सिन्हा एक फौजीका छोरा हुन् । उनीविरुद्ध मुद्धा दर्ता भएपछि अहमदाबाद पुलिसले उनलाई पक्राउ गरेको हो ।
जुलियनले वैवाहिक साइटमा थुप्रै नक्कली खाता बनाएका थिए र आफूलाई एक सैनिक बताउँथे । यी खातामार्फत जुलियनले सम्बन्धविच्छेद भएका र विधवा महिलालाई निशाना बनाउने गरेको पुलिसले जानकारी दिएको छ ।
जो महिला उनको प्रोफाइलमा रुची राख्थे, उनी ती महिलासँग फोनमा कुराकानी सुरु गरिहाल्थे ।
अहमदाबादमा बस्ने कविता नामकी एक महिलाले जुलियनविरुद्ध मुद्धा दर्ता गरेकी छिन् ।
उनले पुलिसलाई भनिन्, ‘साधारणतया सम्बन्धविच्छेद भएकी महिला सहानुभूतीको खोजी गर्दछन् । जुलियन यस्ता महिलाप्रति समवेदना देखाउँथे र उनीहरुको एक्लोपनको फाइदा उठाउँथे । यसरी नै उनले विभिन्न महिलालाई आफ्नो शिकार बनाए ।’
कविताको दाबी अनुसार जुलियन कुनै पनि महिलाको सम्पर्कमा आउनुपूर्व उसको आर्थिक पृष्ठभूमीको अनुसन्धान गर्दथे र यसै आधारमा उनीहरुलाई निशाना बनाउँथे ।
आरोपपत्रमा लेखिएको छ, ‘जब महिला जुलियनमाथि विश्वास गर्न थाल्थे तब उनी आफू भारतीय फौजका अवकाशप्राप्त मेजर बताउँदै उनीहरुसँग चन्दाको माग गर्दथे । जुलियनले यी महिलालाई चन्दाको पैसा आतंकवादविरुद्ध र सैन्य कल्याण कार्यमा खर्च गर्ने बताउँथे । ’
कबिताले बताए अनुसार जुलियनले थुप्रै महिलालाई आतंकवादविरुद्ध लड्दा आफू घाइते भएको बताउने गरेका थिए । उनले खुट्टामा घाउको खत देखाउँदै मोबाइलमा भिडियोसमेत पठाएका थिए ।
कबिताले भनिन्, ‘यो कहानीपछि महिलाको सहानुभूती पाउनका लागि जुलियनले खुट्टामा गम्भीर चोट लागेकाले श्रीमतीले आफूलाई छोडेर गएकोसमेत भन्ने गर्दथे ।’
कविता कसरी ठगिइन् रु
कबिताले बीबीसीसँगको कुराकानीमा जुलियनसँग आफ्नो भेट एक वैवाहिक साइटमार्फत भएको बताइन् ।
कविताले भनिन्, ‘ देशप्रेमका कारण आफ्नोे वैवाहिक सम्बन्ध टुटेको उनले बताउने गर्थे । उनको कहानीलाई वास्तविक ठानेर म उनीसँग भावनात्मक रुपमा नजिकिएँ । उनले मलाई आफू सेनाको मेजर भएको र कच्छ ९गुजरात० मा तैनाथ भएको बताएका थिए ।’
‘एकदिन उनले आफ्नो बैंक अकाउन्ट केही कारणवश ब्लक भएको र तत्काल नै ४९ हजार पाँच सय रुपैयाँको आवश्यकता भएको बताए । सेनाले आफूलाई एउटा घर दिन लागेको र त्यसका लागि विभागमा पैसा जम्मा गर्नुपर्ने उनले बताएका थिए । उक्त पैसा अर्को दिन बिहानै फिर्ता दिने पनि बताएका थिए । मैले उनको अकाउन्टमा पैसा जम्मा गरिदिएँ ।’
कविताका अनुसार त्यही दिन बेलुकादेखि नै उनको फोन आउन कम भयो । उनी भन्छिन्, ‘जतिबेला मैले उनलाई फोन गर्दथें त्यति नै बेला मेसेजमार्फत थप पैसाको माग गर्दथे ।’
जुलियनको यस्तो व्यवहारमा कवितालाई शंका लाग्यो र उनले जुलियनलाई विवाह अघि एक पटक उनको आमाबुवालाई भेट्न चाहेको बताइन् ।
कविता भन्छिन्, ‘उनले उनका बुवाले पनि सेनाबाट अवकाश पाएका र अहमदाबादमा नै ‘स्वाधीनता बंगला’ नामको स्थानमा बस्ने गरेको बताउँथे । मैले यसबारे जान्न खोज्दा थाहा भयो कि उनका पिता विक्टर त फौजमा थिए तर जुलियन सेनामा भर्ना भएकै थिएनन् । साथै, यो पनि थाहा भयो कि जुलियनले मजस्तै अन्य थुप्रै महिलालाई पनि आफ्नो शिकार बनाएका थिए ।’
यसबारे थाहा पाएपछि कविताले साइबर सेलमा मुद्धा दर्ता गरिन् । यस्तै, जुलियनसँग पनि लगातार फोनमा कुराकानी गरिरहन्थिन् ।
उनी आफ्नै जालमा कसरी फसे रु
पुलिसले अनुसन्धानको क्रममा जुलियनले वैवाहिक साइटमा आफ्ना विभिन्न प्रोफाइल बनाएको र उनले आफ्नो आइपी एड्रेस परिवर्तन गरिरहने पत्ता लगाए ।
गुजरात साइबर सेलका इन्स्पेक्टर जी एस जिदमले भने, ‘हामीले कवितालाई जुलियनसँग कुरा गरिराख्न सल्लाह दियौं । त्यति नै बेला थाहा भयो कि उनले थुप्रै महिलालाई पनि सम्पर्क गर्दथे । ती सबै विधवा र सम्बन्धविच्छेद भएका महिला थिए । जतिबेला उनी कवितासँग सम्पर्कमा थिए, त्यति नै बेला उनी दिल्लीकी एक महिलासँग पनि कुराकानी गरिरहेका थिए । ती महिलासँग जुलियनले तीन लाख रुपैयाँ दान दिन आग्रह गरेका थिए ।’
जुलियनलाई पुलिसले उनको मोबाइलको लोकेशनको आधारमा अहमदाबादको मोटेराबाट पक्राउ गर्यो ।
पुलिसका अनुसार जुलियनलाई सन् २०१६ मा पनि पक्राउ गरिएको थियो । त्यतिबेला उनीमाथि एक व्यवसायी महिलालाई धोका दिएको आरोप लागेको थियो । जुलियनले आफूलाई फौजी बताएर ती महिलासँग तीस लाख रुपैयाँ लिएको पुलिसले दाबी गरेको छ ।
पछि उनलाई जमानतमा रिहा गरिएको थियो ।
जुलियनले एमबीए पास गरेपछि फौजमा भर्ती भएको महिलालाई बताउने गरेको पुलिसले बताए तर वास्तवमा उनले १० कक्षासमेत पास नगरेको पुलिसले जानकारी दिएको छ ।
पुलिसलाई लाग्छ कि जुलियनले विभिन्न राज्यका कम्तीमा २५ महिलालाई ठगी गरेका छन् ।
एजेन्सी
