गुहेश्वरी मर्चेण्ट बैंकिङ्ग एण्ड फाइनान्स लिमिटेडको १०औँ शाखा चितवनमा

प्रनिश थापा

 |  प्रकासित मिति : १५ बैशाख २०७५, शनिबार १३:१८

 चितवन , १५ बैशाख । चितवनको नारायणगढमा गुहेश्वरी मर्चेण्ट बैंकिङ्ग एण्ड फाइनान्स लिमिटेडले आफ्नो १०औँ शाखा स्थापना गरी संचालनमा ल्याएको छ । शुक्रबारदेखि संचालनमा आएको शाखामा एटिएम सेवा, एस।एम।एस बैंकिङ्ग सेवा सुविधा इन्टरनेट बैंकिङ्ग सेवा, विभिन्न विप्रेशन काउन्टरको सुविधा तथा डीपी सेवा र सीआस्वा सेवा लगायतका बैंकिङ सेवाहरु उपलब्ध हुनेछन् । ०७४ चैत मसान्तस फाइनान्सले दुई अर्ब ६८ करोड रुपैयाँ निक्षेप संकलन गरी दुई अर्ब ३९ करोड रुपैयाँ कर्जा प्रवाह गरेको छ । फाइनान्सले पाँच करोड ९५ लाख रुपैयाँ संचालन मुनाफा गरेको छ । ८० करोड रुपैयाँ चुक्तापूँजी भएको फाइनान्सको जगेडा कोषमा १० करोड ६० लाख रुपैयाँ बचत गरेको छ । ललितपूरको हरिहर भवनमा केन्द्रीय कार्यालय रहेको बैंकको शाखा कार्यालहरु काठमाडौँको चावहिल, चुच्चेपाटी र कान्ती राजपथमा रहेको छ । त्यस्तै, हेटौँडा, आदर्शनगर, विरगञ्ज, चारआली, विर्तामोड, थानारोड, दमक, कलैया बजार, बारा, मेनरोड ,जीतपुर, जनकपुर र धनुषामा पनि गुहेश्वरी फाइनान्सको शाखा रहेका छन् ।