प्रतिनिधिसभा बैठक आज दिउँसो १ बजे बस्दै

भण्डाफोर अभियान संवाददाता

 |  प्रकासित मिति : २९ भाद्र २०७८, मंगलवार ०२:१७

काठमाण्डौ/आज (मंगलबार) प्रतिनिधि सभाको बैठक बस्ने भएको छ । दिउँसो १ बजे बानेश्वरस्थित संघीय संसद भवनमा बैठक बस्न लागेको हो । बैठकका लागि सम्भावित कार्यसूची तय भएका छन् ।
संघीय संसद सचिवालयकाअनुसार अर्थमन्त्री जनार्दन शर्माले ‘विनियोजन विधेयक, २०७८ माथि विचार गरियोस्’ भनि प्रस्ताव प्रस्तुत गर्ने कार्यसूची रहेको छ ।
यस्तै बैठकमा २०४८ सालमा राष्ट्रियसभामा मनोनित सदस्य रुक्म शम्शेर जवराको निधनप्रति शोक प्रस्ताव प्रस्तुत गर्ने कार्यसूची रहेको संसद सचिवालयले जनाएको छ ।