पत्रकार अधिकारीले दिए बिहेको भोज गर्ने रकम कोराना कोषमा

भण्डाफोर अभियान संवाददाता

 |  प्रकासित मिति : २८ असार २०७७, आईतवार १२:४९

भरतपुर/२८, असार/चितवनका युवा पत्रकार दिपेन्द्र अधिकारीले विवाह भोजको रकम कटौती गरेर कोरोना राहत कोषमा सहयोग गरेका छन् ।
कोराना महामारीसँगै जारी गरिएको लकडाउनको समयमा विवाह बन्धनमा बाँधिएका पत्रकार अधिकारीले भोजका लागि छुट्टाइएको एक लाख रुपैयाँ इच्छाकामना गाउँपालिकाको कोरोना राहत कोषमा जम्मा गरेका हुन् । इच्छाकामना गाउँपालिका–३ कमेरे घर भएका अधिकारी असार १४ गते कालिका–९ की सिर्जन भण्डारीसँग वैवाहिक बन्धनमा बाँधिएका थिए ।
उनीहरुले नगद एक लाख रुपैयाँ गाउँपालिकाका प्रमुख प्रशासकीय अधिकृत सुकदेव लम्साललाई हस्तान्तरण गरे । अधिकृत लम्सालले उक्त रकम लकडाउन प्रभावितहरुको सहयोगमा खर्च गरिने बताए ।