उपनिर्वाचन हुन लागेको भरतपुर १६ मा एकाबिहानै शक्तिशाली बम बिस्फोट

चितवन – आज (बिहिबार) एकाबिहानै भरतपुरमा बम बिस्फोट भएको छ । यही मंसिर १४ गते उपनिर्वाचन हुन लागेको भरतपुर वडा नं.१६ मा बिहानै बम बिस्फोट भएको हो ।
फुर्तीचोक देखि वडा कार्यालय जाने सडक खण्डको खेतमा बिहान ३:३० बजे बम बिस्फोट भएको स्थानीयले भण्डाफोर अभियान लाई जानकारी दिए। बम बिस्फोटको आवाज सुनेपछि स्थानीयहरु त्रसित भएका छन् । स्थानीयका अनुसार बम बिस्फोट भएको स्थानमा टायरका टुक्रा र सिलिण्डका केही टुक्राहरु भेटिएको छ ।
बम कसले पड्काएको भन्ने बारे केही खुलेको छैन ।