ताप्लेजुङमा पहिरोमा पुरिएर सासु र बुहारी बेपत्ता

भण्डाफोर अभियान संवाददाता

 |  प्रकासित मिति : ३ असार २०७९, शुक्रबार ०१:३२

ताप्लेजुङ/गए राति झरेको पहिरोमा पुरिएर ताप्लेजुङको सिरीजङ्घा गाउँपालिका–७ खेवाङमा सासु र बुहारी बेपत्ता भएका छन् ।

वर्षासँगै राति करिब साढे ८ बजे झरेको पहिरोमा पुरिएर तुलसा अधिकारी र यशोदा अधिकारी बेपत्ता भएका हुन् । तुलसा सासु र यशोदा बुहारी हुन् ।

यशोदाका श्रीमान् विष्णु अधिकारी भने भागेर ज्यान जोगाउन सफल भएको स्थानीयवासीले बताएका छन् । पहिराले अधिकारीका दुईवटै घर बगाएको छ भने नजिकै रहेका पशु चौपायासमेत पुरेको बताइएको छ ।

घटनाबारे थप विवरण आउन बाँकी छ । अत्यधिक वर्षाका कारण जिल्लाका विभिन्न ठाउँमा ठुल्ठूला पहिरो झरेका छन् ।